103 ngut kiba ïoh pang COVID-19 mynta ka sngi

Shillong, Nailur 20: Ka jylla ha ka sngi U Blei ka la sakhi biang ba ki la don haduh 103 ngut kiba ioh thymmai ia u virus kaba pynlong ia ka jylla mynta ban don haduh 2111 ngut kiba don ia utei u khñiang jingpang.

Na kitei ki 103 ngut, 78ngut ki dei na East Khasi Hills, nangta 07 ngut na West Garo Hills, 14 ngut na Ri Bhoi, 03 ngut na West Khasi Hills bad 01 na South West Garo Hills.

Lada khein kyllum lut tang na East Khasi Hills ki la don haduh 1510 ngut, bud pat sa ka East Jaintia 275 ngut, nangta ka West Garo Hills 123 ngut bad ka Ri Bhoi 142 ngut katba kiwei kiwei ki Distrik ki don tang hapoh 50 ngut ki nongpang.

Ha kane ka sngi ki la don ruh haduh 30 ngut kiba koit, kata 01 ngut na East Khasi Hills, 25 ngut na West Garo Hills, bad 04 ngut na Ri Bhoi District.

Kumba long mynta ka jingdon kiba koit baroh ha ka jylla ki la poi haduh 2513 ngut. Katba ka jingdon kiba pang pat ka neh da ki 36 ngut.