156 kiba ïoh jingkoit na u COVID-19 mynta ka sngi

Shillong, Nailur 8: Ki la don haduh 42 ngut ki nongpang kiba dang ioh thymmai ia u khñiang jingpang COVID-19 ha kane ka sngi Ba-ar katba kiba koit pat ki la poi haduh 156 ngut.

Haba kren bad ki lad pathai khubor u Myntri ka tnad ka Koit ka Khiah Bah AL Hek u la ong ba kitei ki 42 ngut kiba dang iabit thymmai ia utei u jingpang ki kynthup ia ki 25 ngut na Eat Khasi Hills, Ri Bhoi iwei, South West Garo Hills – 3ngut, West Garo Hills – 13 ngut.

Kitei ki 156 ngut kiba koit pat katkum ka jingiathuh jong u Myntri ki kynthup ia ki 53 ngut na East Khasi Hills, Ri Bhoi – 3, East Garo Hills – 73, West Jaiñtia – 1 bad ha West Garo Hills pat ki long 26 ngut.

Kumba long mynta ka jingdon kiba iap ka la poi sha ka 17 ngut.

Ha kane ka sngi u Myntri u la iathuh ruh ba ka tnad ka Koit ka Khiah Khiah hynne u la iathuh ba ha ka video conferencing bad ki District Medical and Health Officer na ka bynta ban pyniaid beit ia ka jingpynbha ia ki jaka sumar kiba don ha ki 11 tylli ki Distrik jong ka jylla lyngba ka song pisa ba 75 klur tyngka.

Katkum ka jingiathuh da u Myntri, ia katei ka Committee ha ki district la jied ia ki Deputy Commissioner kum ki Chairperson bad ia ki DMHO kum ki Member Secretary ban jied ia ki jaka sumar kiba donkam kyrkieh na ka bynta ban pynbha ne kyntiew kyrdan.