19 ngut kiba ïoh Covid

Shillong, Naitung 27 : Ka Jylla ha ka step Sngi Nyngkong ka la sakhi ia ka jingdon haduh 19 ngut ki briew kiba ioh thymmai ia u COVID -19 ha ka jylla kaba pynlong ia ka Meghalaya mynta ban don haduh 543ngut ki nongpang.

Ka kyrwoh na ka tnad ka koit ka Khiah ka kdew ba tang ha East Khasi Hills ki la don haduh 27 ngut kiba ioh thymmai bad napdeng kitei 1 dei u shipai Air Force, 1 u BSF, bad 17 ngut ki riewpaidbah.

Ki arngut kiwei pat ki kynthup ia uwei na East Jaintia Hills bad iwei ba West Garo Hills.

Kumba long mynta, ka East Khasi Hills ka don haduh 441ngut ki nongpang ba kynthup BSF – 245, paidbah – 179 bad shipai – 26.

Ka West Khasi Hills – 03ngut, Ri-Bhoi – 50, West Jaintia Hills – 10, East Jaintia Hills – 14, West Garo Hills – 16, South West Garo Hills – 04, South Garo Hills – 2, East Garo Hills – 1 bad North Garo Hills – 2.

Ha kane ka sngi ki la don haduh 38 ngut kiba koit, kynthup ia ki 26 ngut ki BSF bad 12 ngut ki paidbah. Kine baroh kiba koit ki dei na East Khasi Hills. Lada kheinlang baroh, kiba koit ki la don mynta 173ngut.