20 ngut kynthup u Doktor kiba ïoh Covid-19 mynta ka sngi

Shillong, Naitung 31: Ka Jylla ha ka step Sngi Thohdieng ka la sakhi ba ki don 20 ngut ki briew kiba ioh thymmai ia u COVID -19 ha ka jylla kaba pynlong ia ka Meghalaya mynta ban don haduh 603 ngut ki nongpang.

Ka kyrwoh na ka tnad ka koit ka Khiah ka kdew ba kitei kiba ioh thymmai ki dei 19 na East Khasi Hills bad 01 pat na South Garo Hills.

Kitei ki 20 ngut ki kynthup ia ki 12 na Air Force, 01 na ki BSF bad 06 ngut ki paidbah kaba kynthup ïa u doktor katba ha South Garo Hills pat dei i riew paidbah.

Kumba long mynta, ka East Khasi Hills ka don haduh 506ngut ki nongpang ba kynthup BSF – 253, paidbah – 207bad shipai – 46 ngut.

Ka West Khasi Hills – 04ngut, Ri-Bhoi – 43, West Jaintia Hills – 14, East Jaintia Hills – 15, West Garo Hills – 15, South West Garo Hills – 04 ngut, South Garo Hills – 04 ngut.

Ha kane ka sngi ki la don ruh haduh 05 ngut kiba koit, kata 04 ngut na East Khasi Hills bad 01 na Ri Bhoi.

Ka jingdonkiba koit baroh ka la poi mynta sha ka 215 ngut.