24 kynta ai por ka UDP ïa arngut ki MDC ban pynshai halor ka jingleit ai jingkyrshan ïa ka UDF

Shillong, Rymphang 3: Ka Central Executive Committee jong ka United Democratic Party (UDP) mynta ka sngi ka la rai ban phah da ka show cause notis sha arngut ki MDC ka party.

Ka rai ban phah da ka show cause notis ïa ki arngut ki MDC kiba kynthup ïa u bah Paul Lyngdoh na Jaïaw bad bah Teibor Pathaw na Mawlai hadien ka jingleit ai jingkyrshan ïa ka United Democratic Front (UDF) kaba la ialam da u Bah Latiplang Kharkongor kum u CEM ka KHADC.

Haba kren sha ki lad pathai khubor, u General Secretary ka UDP, bah Jemino Mawthoh u la ong, hadien ba ka CEC ka la shong jingïalang bad ba la ïatai sani, la rai ban phah da ka show cause notis bad la ai por hapoh 24 kynta ban pynshai ïa ka jingleit ai jingkyrshan ïa jongki ïa ka UDF.

Haba kylli kaei ka synjam ka UDP kan shim, u bah Jemino u la ong, lada kim jubab hapoh ka 24 kynta, ngin ïaid katkum ka rukom treikam jong ka seng.

Na ka liang u bah Jemino u la pynsngew ruh ba ka seng ka sngewsih shisha ïa ka jinglong jingman jong ka council ym tang ha KHADC hynrei ha baroh ki council.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589