26 ngut kiba ioh COVID 19 mynta ka sngi

Shillong, Naitung 16: Ka jingdon ki briew kiba ioh ia u COVID 19 ha ka jylla ka la nang kiew arted namar tang ha ka sngi Thohdieng kata ruh tang hapoh ka por 4baje janmiet ki la don haduh 26 ngut ki briew kiba ioh thymmai ia utei u virus.

Kitei ki 26 ngut kiba ioh thymmai ki kynthup ia ki 14 ngut ki BSF bad 12 ngut ki paidbah kata 5 ngut na East Khasi Hills bad 7ngut na Ri Bhoi.

Na East Khasi Hills kiba ioh ia Utei u virus kidei baroh kiba dang shu wan na bar jylla katba ki 7nngut na Ri Bhoi kidei 5ngut na Baridua bad 2ngut na Byrnihat.

Kumba long haduh mynta, ka East Khasi Hills kadei ka Distrik kaba bun eh da ki 307ngut ba kynthup ia  ki 236 ngut ki BSF, 14 ngut ki shipai bad 57 ngut ki riew paidbah.

Ha kiwei pat ki Distrik, ka Ri Bhoi ka la Kiew mynta sha ka 31 ngut,  East Jaintia – 02, West Garo Hills – 08, South Garo Hills – 2, East Garo Hills – 01 bad North Garo Hills -01.