284 ngut ki paidbah ka jylla ki la wan phai na ki jylla ka thaiñ shatei lam mihngi

????????????????????????????????????

Shillong, Jymmang 5: Haduh 284 ngut ki samla pule kynthup ia kito kiba trei ha ki jylla bapher bapher jong ka thaiñ shatei lam-mihngi jong ka ri ki la wanphai sha la ka jylla ha kane ka sngi Ba-ar.

Ha shwa ba kitei ki samla kin rung shapoh ka jylla lyngba ki saw tylli ki khyrdop jong ka jylla na ka liang ka tnad ka Koit ka Khiah ka la  eksamin bad bishar bniah ia ka koit ka Khiah jong ki. La iathuh ba kitei ki samla baroh kidei kiba wan hi dalade.

“Kaba sngewtynnad ka long ba ha ka jingeksamin ia kitei baroh ym don satia kiba don dak shitom,” iathuh u Symbud Myntri Rangbah ka Jylla, Bah Prestone Tynsong haba kren bad ki lad pathai khubor. Kumta, la iathuh ruh ba ia baroh ki la phah noh sha ki iing ki sem jong ki ryngkat ka jingbthah ba kin dei ban pyndep ia ka jingset slung kaba 14 sngi.

Nalorkata, u la ong ruh ba ha kine ki 14 sngi ka sorkar jylla kan sa pynbiang ia ka bam ka dih bad pynpoi ha ki jaka sah jong ki.

La iathuh ruh ba na kitei ki 284 ngut, haduh 205 ngut ki wan lyngba ka Byrnihat, 39 ngut na Bajengdoba, 32ngut na Ratacherra bad 8 ngut lyngba ka khyrdop jong ka Tikrikilla.

Ha kawei pat ka liang u la ong ba kitei baroh ki samla kiba wanphai sha la ka jylla kim dei satia na ki jaka ba hap ha ka red zone hynrei ki hap pat ban pyndep ia ka jingset slung ha la iing katkum ka por ba la buh.

La iathuh ruh ba ki don kumba 3000 ngut tang na Northeast kiban wanphai sha la ka jylla ter ter nangne shakhmat.

U Symbud Myntri Rangbah u kyntu ruh ia ki samla pule kiba don ha kiwei pat ki jylla shabar ka Northeast ba kin ym pat kyrkieh ban wan phai iing noh mynta. “Na ka liang ka sorkar ka kyrpad ia ki ba kin iai shah lang bad ngi la kumno kumno haduh da kut une u bnai katba ngi dang pdiang ia kine ki samla ba wan na ki jylla jong ka Northeast,” u la ong.

U la pyntip ruh ba tad haduh kane ka sngi ka la don ruh ka jingialang pyrkhat kam ha kaba la shim rai ruh ban phah plie noh ia ki jaka shna kali kiba don ha ki jaka die kali.

Ha kawei pat ka liang la kyntu ia ki nongthied kyiad ba k i dei ban da burom ia ka jingbthah jong ka sorkar na ka bynta ka jingbha lang jong baroh khamtam ha kum kane ka por ba ka jylla ka dang iakhun ia ka thma pyrshah ia u COVID 19.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589