306 ngut kiba ïoh pang COVID – 19 hapoh ka Jylla

Shillong, Naitung 12: Ka sorkar jylla mynta ka sngi ka la pyntip ba ka jingdon jong ki pang COVID-19 hapoh ka jylla mynta ka long 306 ngut kata hadien ka jingioh kaiphod ba sa 16 ngut ki la ioh thymmai.

Ki 306 ngut kiba ioh ia u COVID ki kynthup ïa kito kiba la ïoh naduh ba sdang.

Tad haduh ka janmiet sngi U Blei lada kheiñ lang kiba don ha ki jaka sumar ki la don haduh 259 ngut, kynthup 45 kiba la koit bad 2ngut kiba la khlad noh.

Na kine ka East khasi Hills ka dei ka Distrik ba bun tam da ki 224 ngut bad tang ki BSF ki la don lypa 172 ngut, Air Force 2 ngut, bad ki riew paidbah 50 ngut.

Ka ri Bhoi ka don mynta 20 ngut, East Jaintia 2 ngut West Garo hills 9ngut, South Garo hills 2ngut, East Garo hills 1 bad North Garo Hills ruh 1.