32 ngut kiba ïoh ïa u khniang COVID 19, kiew ka jingdon ki nongpang sha 397

Shillong, Naitung 19: Sa 32 ngut ki briew ki la ioh ia u khniang COVID 19 ha ka sngi U Blei kaba pynlong ia ka jylla ba kan don mynta haduh 397 ngut ki briew kiba don ia utei u virus.

Haba kren  bad ki lad pathai khubor ha kane ka sngi U Blei, kitei ki 32 ngut ki kynthup ia ki 31ngut na East Khasi Hills (kiba kynthup ia 29 ngut ki shipai BSF bad 2ngut ki riew paidbah) katba uwei pat dei na Ri Bhoi District.

Kumba long mynta ka East Khasi Hills kadei ka Distrik kaba bun eh ki nongpang COVID namar   ki la don haduh 343 ngut bad na kine tang ki BSF ki la don 268 ngut katba kiwei pat ki poi 61 ngut nalor ki 14 ngut ki shipai.

Ha kiwei pat ki Distrik, ka Ri Bhoi ka don mynta 36ngut, East Jaintia 2 ngut  West Garo Hills 9ngut, South West Garo Hills 1, South Garo Hills 2 ngut, East Garo hills 1 bad North Garo Hills ruh 1.

Kiba koit pat ki dang neh kumjuh da ki 49 ngut katba kiba la khlad pat ki la kiew mynta sha ka 4ngut.