33 ngut kiba ïoh Covid-19 mynta ka sngi

Shillong, Nailar 1: Na ki 33 ngut kiba ioh ia u COVID-19 mynta ka sngi, haduh 07 ngut kidei na Civil Hospital ba kynthup ïa saw ngut ki nongtrei jong ka Civil Hospital Shillong kata kynthup naduh ki Technician bad ki nurse.

Nalor kine la don ruh 2 ngut ki nongap pang bad iwei i nongpang ba la ïoh lang ïa utei u virus.

Kumban shu kdew hangne, kitei ki 33 ngut kiba ïoh COVID mynta ka sngi ki kynthup ïa ki 27 ngut na East Khasi Hills (7 ngut ba wanphai na bar jylla, 2 ngut kiba ïa bit na NEIGRIHMS, 8 ngut ki shipai bad 3 ngut ki BSF).

Ki 6 ngut kiwei pat ki kynthup ïa 3 ngut na Ri Bhoi (2 ngut ki shipai bad uwei u pulit), East Jaintia Hills – 1 bad West Khasi Hills ruh 1.

Kumba long haduh mynta ka jingdon kiba ïoh COVID ha ka jylla ka la poi mynta 599 ngut.

Haba kren bad ki lad pathai khubor, u Director ka tnad ka Koit ka Khiah, Dr. Aman War u la iathuh ba tang ha East Khasi Hills ka don haduh 496 ngut ki nongpang ba kynthup BSF – 218, paidbah – 224 bad shipai – 54 ngut.

Ka West Khasi Hills – 05ngut, Ri-Bhoi – 46, West Jaintia Hills – 14, East Jaintia Hills – 16, West Garo Hills – 16, South West Garo Hills – 04 ngut, South Garo Hills – 02 ngut.

Ha kane ka sngi ki la don 39 ngut kiba koit, bad haduh 38 ngut kidei ki BSF bad 1 i riew paidbah

Ka jingdon kiba koit baroh mynta ka la poi sha ka 252 ngut.