37 ngut kiba ïoh Covid kynthup u inspector ka CBI

Shillong, Nailar 12: Ki la don haduh 37 ngut ki briew kiba ioh ia u khñiang jingpang cironavirus ha kane ka sngi Balang jong ka taìew kaba pynlong ia ka jylla ban poi mynta haduh 656 ngut ki nongpang ha baroh kawei ka jylla.

Kitei kiba ioh thymmai ki kynthup ia ki 23 ngut, na East Khasi Hills kata kynthup 9 ngut ki BSF, paidbah 12ngut bad shipai ki don 2ngut. Nangta 10 ngut na West Garo Hills, 1 na East Jaiñtia, 1 na Ri Bhoi, 1 South Garo Hills bad iwei na North Garo Hills.

Haba kren bad ki lad pathai khubor, napdeng kitei ba ioh COVID ha East Khasi Hills la don ruh u CBI Inpsector na Upper Mawprem bad ruh ka lok jong uwei u doktor ba dang pule ha Nazareth, kumjuh u driver jong ka ambulance na Kharkutta PHC

Kumba long mynta na ki 656 ngut kiba ioh ia u khñiang tang ha East Khasi Hills ki la don haduh 445 ngut, kata 97 ngut ki BSF, 71 ngut ki shipai bad 277ngut ki paidbah. Ha West Khasi Hills – 3, South West Khasi Hills – 1, Ri Bhoi – 93 ngut, West Jaiñtia Hills – 16 ngut, East Jaiñtia Hills – 06 ngut, West Garo Hills – 82 ngut, South West Garo Hills – 2 ngut, South Garo Hills – 3 bad North Garo Hills – 5 ngut.

Kiba koit pat ha kane ka sngi ki long 07 ngut, kata 3 ngut ha East Khasi Hills bad 2 ha West Khasi Hills,West Jaiñtia – 1 bad Ri Bhoi – 1kaba pynlong ia ka jylla mynta ban don haduh 517 ngut ki ba la koit.