39 ngut kiba ïoh Covid, 67 ngut pat kiba koit

Shillong, Nailar 9: Ki la don haduh 39 ngut ki briew kiba ïoh ïa u khñiang jingpang Coronavirus ha kane ka sngi U Blei watla ki don pat haduh 67 ngut ki briew kiba koit ha kane kajuh ka sngi hi.

Kitei ki 39 ngut ki kynthup ïa ki 18 ngut na East Khasi Hills, 20 ngut na Ri Bhoi District bad 01 na East Jaintia Hills.

Haba phai sha ka East Khasi Hills katkum ka jingïathuh da u Director ka tnad ka Koit ka Khiah Dr. Aman War, na ki 18 ngut k iba ioh COVID, 16 ngut ki dei ki riew paidbah bad arngut pat ki dei ki shipai. Katba ha Ri Bhoi pat, na ki 20 ngut, 07 ngut ki dei ki shipai bad 13 ngut ki dei ki riew paidbah. Ha East Jaintia Hills ruh iba ioh dei i riew paidbah.

Kiba koit ha kane ka sngi pat, ki kynthup ia ki 52 ngut na East Khasi Hills ha kaba haduh 51 ngut ki dei ki BSF bad iwei i riewpaidbah, katba ha Ri Bhoi ki don 02ngut ki paidbah bad ha East Jaintia kiba koit ki don haduh 13 ngut ki riew paidbah.

Tad haduh mynta, ka jingdon kiba koit baroh ha kawei ka jylla ka la kot sha ka 490 ngut.

Tad haduh ka janmiet sngi u Blei ka jingdon kiba pang baroh ki la don haduh 566 ngut, bad na kine tang ka East Khai Hills ka la don haduh 419 ngut ba kynthup ïa ki 91 – BSF, 260 – paidbah bad 68 ngut ki shipai.

Ha kiwei pat ki distrik ka jingdon kiba pang ki long West Khasi Hills – 06, Ri Bhoi – 83, West Jaiñtia Hills – 15, East Jaiñtia Hills – 6, West Garo Hills – 31, South West Garo Hills – 02 bad North Garo Hills – 02.