41 ngut kiba ïoh Covid-19 mynta ka sngi

Shillong, Naitung 28: Ka tnad ka koit ka Khiah jong ka sorkar jylla ha ka sngi Ba-ar ka la pyntip ba ki don 41ngut ki briew kiba dang ioh thymmai ia u COVID kaba pynlong ia ka jylla mynta ban don haduh 580 ngut kiba ioh ia utei u khñiang jingpang.

Na kitei ki 41 ngut 36 ngut kidei na East Khasi Hills kata kynthup ia ki 02ngut ki CRPF, 06 ngut ki Air Force bad 28 ngut ki paidbah. Ki 5 ngut kiwei pat ki kynthup ia ki 03ngut na West Jaintia, 01 na West Khasi Hills bad 01 na West Garo Hills.

Katkum ka jingiathuh da u Director ka tnad ka Koit ka Khiah, Dr. Aman War, kiba koit pat mynne ka sngi ki long 08 ngut kata 06 ngut ki BSF bad 02 ngut kiba wanphai na bar jylla.

Kumba long haduh mynta, na ki 580 ngut kiba ioh COVID, la East Khasi Hills Hills kadei kaba bun tam ki nongpang namar ka don haduh 479 ngut ba kynthup 243 ngut ki BSF, 32 ki shipai bad 204 ngut ki paidbah.

Kaba bud pat dei ka Ri Bhoi Bhoi ki 52 ngut, ma West Jaintia – 13, East Jaintia – 15, West Khasi Hills – 04, West Garo Hills – 11, South West Garo Hills – 04, East Garo Hills – 01, North Garo Hills – 01 ngut.

Tad haduh mynta ka jingdon kiba koit ka la poi sha ka 194 ngut.

Ha kane ka sngi u Dr. Aman u la iathuh ruh ba napdeng kiba ioh thymmai hynne ka sngi la donlang ruh ki shi kpa shi khun na Mawphlang kiba don mynta ha NEIGRIHMS.

Ha kawei ka liang u la iathuh ba ka la don pat ka jingiakren bad ka Council of Scientific and Industrial Research (CSIR), Jorhat na ka bynta ban test ia ki sample kiba lum na kane ka jylla khnang ban pynstet ia ka report.

Kawei pat kaba u Director u iathuh ka long ba kawei ka longkmie kaba dei ka kurim Jong iwei u shipai BSF ka la khlad noh ha NEIGRIHMS hynne ka sngi na ka daw ka jingpang khyllai watla kadei kaba don artad ia u COVID.