413 ngut kiba ïoh COVID 19 hapoh ka Jylla, 19 ngut mynta ka sngi

Shillong, Naitung 20: Ka jylla ha ka sngi Nyngkong ka la don haduh 19 ngut ki briew kiba ïoh ïa u COVID -19 tang haduh ka por 4:00 baje janmiet kaba pynlong ïa ka jylla mynta ban don haduh 413 ngut ki nongpang ha baroh kawei ka jylla.

Kitei ki 19 ngut kiba ïoh thymmai ki kynthup ia ki 13 ngut ki BSF bad 3ngut ki riew paidbah ha Eat Khasi katba laingut kiwei pat ki kynthup 2ngut na South West Garo Hills bad 1 na West Garo Hills.

Kumba long haduh mynta, ka East Khasi Hills kadei ka Distrik kaba bun eh da ki 356 ngut ba kynthup ïa ki 278ngut ki BSF, 14 ngut ki shipai bad 64ngut ki riew paidbah.

Ha kiwei pat ki Distrik, ka Ri Bhoi ka la Kiew mynta sha ka 36ngut, East Jaintia – 02, West Garo Hills – 13, South West Garo Hills – 2, South Garo Hills – 2, East Garo Hills – 01 bad North Garo Hills -01.

Kiba koit tang mynne ka sngi ki long 3ngut baroh kidei ki BSF kaba pynlong ïa ka jingdon kiba koit mynta ban kiew sha 52ngut katba kiba khlad pat ki long 4 ngut.

Haba batai bniah ïa kitei kiba ïoh thymmai ïa u COVID, u Director ka tnad ka Koit ka Khiah Dr. Aman Warr u la ïathuh ba ki 13 ngut ki BSF kiba ioh COVID kidei na ka ktem jong ki kaba ha Umpling bad ba Mawpat.

Katba kiwei pat ki 3 ngut na East Khasi ki kynthup ïa iwei ba wan na Khanapara, sa iwei ba dei I high risk contact ba wan ïathoh na Bihar kaba na Keating Road bad iwei pat dei i high risk contact jong u shipai na Assam Regiment.