555 ngut kiba ïohpang Corona ha ka Jylla, 23 ngut mynta mynstep

Shillong, Naitung 26: Ki la don haduh 23 ngut ki briew kiba ioh ia u COVID -19 tang haduh ka step sngi u Blei kaba pynlong ia ka jylla mynta ban don haduh 555 ngut ki nongpang ha baroh kawei ka jylla.

Kitei ki 23 ngut ki kynthup ia 09 ngut na East Khasi Hills kata 2ngut ki shipai Air Force bad 7 ngut ki paidbah. Ha West Khasi hills 3 ngut, Ha Ri Bhoi 8 ngut ba kynthup 5 ki Air Force bad 3 ki paidbah, ha North Garo Hills 01, West jaintia Hills 1 bad East Jaintia hills 1.

Kaba sngewtynnad ka long ba ki don pat haduh 15 ngut kiba koit mynta ka sngi, kata 14 ngut Ki BSF bad iwei i riew paidbah. Kine baroh kidei na East Khasi hills.

Kumba long haduh mynta, ka East Khasi Hills kadei ka Distrik kaba bun eh da ki 460ngut ba kynthup ia ki 272 ngut ki BSF, 23ngut ki shipai bad 165ngut ki riew paidbah.

Ha kiwei pat ki Distrik, ka Ri Bhoi ka la Kiew mynta sha ka 49ngut, West Khasi Hills – 03, West Jaintia 10ngut, East Jaintia – 09, West Garo Hills – 15,, South West Garo Hills – 4, South Garo Hills – 2, East Garo Hills – 01 bad North Garo Hills -02.