59 ngut kiba ïoh Covid mynta ka sngi, 48 ki riew paidbah

Shillong, Naitung 25: Ka jingdon ki riew kiba ioh positive na u khñiang Coronavirus ka la kiew bun bha ha ka jylla namar tang ha kane ka sngi Saitjaiñ ki la don haduh 59ngut ki briew kiba dang ioh thymmai.

Da kitei ki 59ngut ka Meghalaya ka don mynta haduh 547 ngut ki briew kiba don ia utei u virus.

Kitei ki ngut ki kynthup ia ki 54 na East Khasi Hills kiba kynthup ia 6 ngut ki BSF bad 48ngut ki riew paidbah. Kiwei pat ki kynthup ia 1ha West Jaintia bad 4 ngut na East Jaintia.

Kumba long mynta ka East Khasi Hills kadei ka Distrik kaba bun eh ki nongpang COVID namar ki la don haduh 466 ngut bad na kine tang ki BSF ki la don 286ngut katba kiwei pat ki poi 159 ngut nalor ki 21ngut ki shipai.

Ha kiwei pat ki Distrik, ka Ri Bhoi ka don mynta 41ngut, East Jaintia 8, West Jaintia 9, West Garo Hills 15ngut, South West Garo Hills 4, South Garo Hills 2 ngut, East Garo hills 1 bad North Garo Hills ruh 1.

Kiba koit pat haduh mynta ki long baroh 94ngut kata kynthup ia ki 7 ngut kiba koit mynta ka sngi.

Tad haduh mynta ki sample ba la phah test ki long 32783 ngut bad na kine 31469 ki long negative bad ki sample ba dang ap report ki long 668 tylli.

Ha kawei pat ka liang ka jingpoi ki briew na shabar jylla ka la poi mynta 23,817 ngut.