8 ngut kiba pang COVID-19 hadien ka test ki long Negative: Tynsong

????????????????????????????????????

File Photo

Shillong, Ïaiong 29 :  Ka Meghalaya ha ka sngi Balang ka la ioh pdiang ïa ka khubor kaba sngewtynnad, hadien ba ka result kaba mih na kaba test ïa ka sample jong ki 8 ngut kiba ioh ïa u COVID-19 ka long ‘Negative’ kaba pyni ba kitei kiba ioh ïa utei u khñiang ki la koit.

Haba pyntip ïa kane ka khubor, u  Symbud Myntri Rangbah ka jylla, Bah Prestone Tynsong u la ong, “Ka long ka khubor kaba sngewtynnad namar ka result kaba ngi ioh ka long ba baroh kitei ki 8 ngut ka long Negative lut.”

Na ka liang jong u, u ong ruh kumba dei ka kyndon kaba ki hap bud pyrkhing, ka jylla ka hap pat mynta ban ap sa 24 kynta na ka bynta ban test biang ïa kitei ki 8 ngut ban pyntkna syndon ba kim don shuh ïa utei u khñiang jingpang.

“Hadien ba ngi la ioh biang ïa katei ka report, bad lada  ka report ka kdew biang ba ka long Negative, ngi lah ban pynbna ba ka Mghalaya ka la lait na u Coronavirus’, bynrap biang u Symbud Myntri Rangbah.

Ha kane ka sngi la pynbna ruh ba na ki  1397 tylli ki sample ba ki phah jhynne ka sngi, ka result ba ki ioh ka long 1288 bad baroh ki long Negative lut bad mynta ki dang ap ïa ka report jong ki 97 tylli kiwei pat ki sample ba dang sah.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589