COVID-19: Khlad sa uwei u rangbah uba na Golflink

Shillong, Sept 7: Sa uwei pat u Rangbah ba tip kyrteng kum u Frazier N Sangma, (71) ba shong ba sah ha Golf Link, Shillong u la khlad noh hynne ka sngi ha Civil Hospital Shillong na ka daw u COVID-19 Pneumonia.

Kumba long mynta ka jylla kaa don haduh 17 ngut kiba iap na utei u virus ha ka jylla.

Katkum ka jingiathuh da u Director ka tnad ka Koit ka Khiah ka jylla, Dr. Aman War u la iathuh ruh ba ha kane ka sngi ki la don haduh 29 ngut kiba dang ioh thymmai ia Utei u khñiang jingpang.

Na kitei ki 21 ngut kiba ioh, ki kynthup ia ka

West Garo Hills – 12, East Khasi Hills – 05 Ri-Bhoi – 03, West Jaintia Hills – 03, East Jaintia Hills – 02. Katba ka North Garo Hills, South Garo Hills, West Khasi Hills bad East Garo Hills pat ki ioh mar 1.

Kumba long mynta ka jingdon kiba pang COVID ha ka jylla ka la poi sha ka 1457.

Lada kheinlang pat ia ki baroh ha ki distrik distrik, ka East Khasi Hills kadei kaba bun tam da ki 948 ngut, kata shipai – 181 ngut bad 767 ngut pat kidei ki paidbah. Nangta ka West Garo Hills -186 (shipai- 104, paidbah – 90), Ri-Bhoi – 119 (shipai – 29, paidbah – 90), East Garo Hills – 98, West Khasi Hills – 30, East Jaintia Hills – 30, South Garo Hills 16, North Garo Hills – 13, West Jaintia Hills – 12, South West Garo Hills – 04 bad South West Khasi Hills – 1.

Ha kane ka sngi ki la don pat sa 4 ngut kiba koit, ba kynthup ar na West Khasi Hills, katba mar iwei pat kidei na East Khasi Hills bas Ri Bhoi. Kumba long mynta ka jingdon kiba koit ha baroh kawei ka jylla ki long 1560 ngut.

La iathuh ruh ba na kitei kiba ioh COVID baroh, kiba bun dei ki shynrang da kj 996 ngut katba ki kynthei pat ki long tang 461 ngut.