Da ka ‘lockdown’ ba ar sngi pynjari ka Sorkar ha nongbah Shillong

Shillong, Naitung 11:  Ka sorkar jylla ha ka sngi Saitjain ka la pynbna ba kan pynjari da ka ‘lockdown’ naduh ka 13 bad 14 tarik mynta u bnai tang ha nongbah Shillong bad kan kut pat haduh ka por 6:00 baje  jong ka step 15tarik.

Haba pynbna ia kane, u Myntri Rangbah ka jylla, Conrad K Sangma u la ong ba katei ha kitei ki sngi ba don ka jingkhang dam ka nongbah Shillong kan don ka jingbuddien ia baroh ki briew kiba ia kynduh bad kito kiba ioh ia utei u virus.

Nalorkata u Myntri Rangbah u la ong ruh ba ha kitei ki sngi ki Covid Committee ha ki shnong ki thaw kin pynlut por ban leit pynsngewthuh ia ki paidbah halor ki jingdonkam ban iakhun lang ia utei u COVID.

Tad haduh mynta, ka nongbah Shillong kadei kaba bun eh ki nongioh COVID na ki 236 ngut kiba ioh ia Utei u virus ha ka jylla.