Dei ban pynbna ïa ka kyrteng jong ki jaka jong kiba ïoh COVID-19 ban suk ka buddien: RG Lyngdoh

  • Shillongmail
  • June 12, 2020
  • Comments Off on Dei ban pynbna ïa ka kyrteng jong ki jaka jong kiba ïoh COVID-19 ban suk ka buddien: RG Lyngdoh

Shillong, Jylliew 12: U Myntri Kampohìing barim ka Jylla, Bah Robert G Lyngdoh ha ka sngi Thohdieng u la ai jingmut ia ka sorkar jylla ba kadei ban pynbna beit ia ka kyrteng jong kito kiba ioh ia u khniang jingpang Coronavirus kumjuh ia ka shnong ba ki wan khnang ban pyntikna ban pynsuk ha kaba buddien ia ki briew ba ki kynduh.

Utei u nongmihkhmat barim u la ong ruh ba ka jingkitkhlieh ban wad ia ki primary bad secondary contact dei ban weng noh noh na ka lyngkor jong ka tnad ka Koit ka Khiah bad ban aiti ha ki paidbah.

“Lada ka ka sorkar ka don ia ka bor ban wad hi ia baroh kito ki briew kiba ia kynduh bad kito kiba ioh ia u khñiang COVID-19 , ka la biang eh. Hynrei haba mynta ngi iohi ba ki la nangbun ki ba ioh ia u tei u khñiang kumta ka lyngkor jong ka sorkar ban buddien ia baroh ka la khia bha bad buh jingeh ” u la ong.

U ong ruh ba lada ka sorkar ba lada pynbna ia ka kyrteng jong ki nongpang COVID kan pynsuk ia ki paidbah ban tip haba ki kum ia kynduh ia kitei ki briew kiba ngat ha utei u khñiang jingpang.

“Dei ban weng noh ia ka lyngkor na ka tnad ka Koit ka Khiah bad aiti ha ki paidbah namar ki don bun ki jingeh ba ka tnad ka kynduh. Lada leh kumta, ka jingtreikam jong ki kan long beit shi kam ha ka tnad ba ki dei ban trei ym da kumwei pat.

Shuh shuh u ong ruh ba ka sorkar ka dei ban pynshai bniah ia ki paidbah haba iadei bad u virus. “Nga sngewdei ban kdew ba donkam ban don ka jingai jinghikai shwa ia ki paidbah khnang ba kin tip bad sngewthuh bha halor utei u virus, kumno u phriang, katno un neh ha ka met briew bad kumno kin iada ialade,” bynrap biang utei u nongmihkhmat.

Nalorkata u ong ruh ba u shim ba ka jingpur u virus ha Meghalaya kam dei kaba pur na ki shnong ki thaw, hynrei ki paidbah pat ki tieng namar kim tip kaei ka jingmut jong ka. “Donkam ban pynshai bha halor kane ka bynta,” u la banjur shuh shuh.