Don haduh 1902 ngut ki nongpang COVID-19 hapoh ka Jylla, 159 mynta ka sngi

Shillong, Nailur 16: Ka jylla Meghalaya hynne ka sngi ka la sakhi ba ki don haduh 159 ngut kiba ioh ia u khniang COVID 19 kaba pynlong ia ka jylla mynta ban don haduh 1902 ngut ki nongpang ha ki jaka sumar bapher bapher.

Katkum ka jingiathuh da u Director ka tnad Health Services (MI), Dr. Aman War, u la ong ba ka East Khasi Hills ka la sakhi ba ki don haduh 106 ngut kiba ioh ba kynthup ia ki 97 ngut ki paidbah bad 9ngut ki shipai.

La iathuh ruh ba ka East Jaintia Hills pat ka don haduh 34 ngut bud sa ka Ri-Bhoi 8 ngut, West Garo Hills hynriew, South West Garo Hills bad West Khasi Hills mar ar ngut katba na East Garo Hills iwei.

Ha kane ka sngi la sakhi ba ki don haduh 74 ngut kiba koit ba kynthup ia ki 40 ngut na East Khasi Hills, East Garo Hills 15 ngut, East Garo Hills – 15 ngut, West Garo Hills 12 ngut, West Khasi Hills – 4 bad South Garo Hills 2 ngut kaba pynlong ia ka jylla mynta ban don haduh 2264 ngut kiba la koit.

Kumba long mynta ka jingdon ki nongpang ha ki Distrik ki long – East Khasi Hills 1252 (shipai 244, paidbah 1008), East Jaintia Hills – 237, Ri Bhoi 160, West Garo Hills – 177ngut, South Garo Hills 18, West Jaintia Hills 14,
North Garo Hills bad West Khasi Hills mar 12 ngut, South West Garo Hills 11, South West Khasi Hills 5 bad East Garo Hills 3 ngut.

Katba ka jingdon kiba iap na ka daw jong Utei u khniang ka la poi sha ki 29 ngut.