Duh ei u heprit khyndai snem ïa ka jingim ha ka jingkem ding

Nongpoh, Ïaiong 12: Uwei u heprit ba dang khyndai snem ka rta u la duh noh ïala ka jingim na ka jinging ding kaba la kem kynsan ïa ka ïing jong u kaba don ha ka shnong Umdiker kaba hap hapoh Umsning Constituency.

Ha kane ka jingjia, ka kmie jong u bad kiwei pat ki la lait thaw bad kane ka jingjia ka la jia ha ka por 11:30 jong ka miet sngi Balang.

Kane ka jingjia ka la jia ha ka por ba kine shi ing ki dang ioh thiah bad katkum ka jingbatai jong ki pulit ka Ri Bhoi la iathuh ba u kpa jong kane ka ing, u Bah Donbor Nongrang u la lah ban pynlait im ia la ka lok bad ki lai ngut ki khun katba ia uwei pat, u Babitpyrkhat Kharwanniang, u khlem lah shuh ban pynlait na ka jingheh jong ki thylliej dieng kiba la pur ha baroh kawei ka ing.

Ka daw jong ka jingkem ding kane ka ing ym shym la lah satia ban tip bad ki pulit ki dang pynlong ia ka jingtohkit ban lap ia ka daw tynrai kaba la pynlong ia kane ka ing ban kem ding.

Ki pulit ki la iathuh ruh ba namar ka met jong une u heprit ka la ingkhong shaba palat, ia ka post-mortem ruh lah pyndep syndon ha kajuh ka jaka.

Ha kane ka jingjia, baroh ki jingdon jingem jong ka ïing ka sem ki la duh lut na ka jingbam duh jong ki thylliej ding.