Elekshon MP Lok Sabha: Rai ka MDA ban pynieng da u Jemino bad Agatha

Shillong, Lber 11: Ki seng saiñ pyrthei kiba don hapoh ka sorkar Meghalaya Democratic Alliance (MDA) ha ka sngi nyngkong kila shim ïaka rai ban pynieng da u General Secretary ka UDP u Dr Jemino Mawthoh bad ka Agatha Sangma kum ki kyrtong monlang (Common Candidate) ban ïakhun ïaka elekshon MP Lok Sabha na Shillong bad Tura Parliamentary Seat.

“Ki seng saiñ pyrthei bad u MLA shimet na Nongkrem kiba don ha ka sorkar MDA, kila rai ban pynieng ïa u bah Jemino bad ka Agatha ha ka elekshon MP,” ong u President ka UDP u Dr Donkupar Roy haba ïakren bad ki nongthoh khubor hadien bala wai ka jingïalang jong ka MDA.

U la ïathoh ba u bah Jemino un ïakhun da kaba pyndonkam iaka shap jong ka UDP bad ka Agatha da ka shap jong ka kot kaba dei jong ka NPP.

U Dr Donkupar u la ong ba naduh mynta ka sngi kine ki seng saiñ pyrthei hapoh ka lama jong ka MDA ki la rai kut ban pynkhreh ïa katei ka elekshon MP na Tura bad Shillong.

Ka jingpynkhreh ka long ban ïakhun bad ban ïaleh ban pynthikna ba ki kyrtong kiba ïakhun kin ïoh ïaka jingjop.

Haba kylli, la ka BJP ka don bynta ha ka MDA, u Dr Donkupar u la ong, ka BJP kaba dei ka national party ka la rai ban ïakhun marwei ha baroh ki artylli ki konstitwensi.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589