Dawa pynshitom u bah Adelbert ïa u myntri ka tnat Transport

Shillong, Lber 11: U nongmihkhmat sha ka ïingdorbar thawaiñ na North Shillong konstitwensi, u bah Adelbert Nongrum hynne ka sngi u la ther tyngeh ïa ka sorkar jylla halor ka jingkam jong ka jingkren u Lat ba ka Jylla ka don ha ka shong suk shong saiñ.

Haba shim bynta ha ka dorbar mang tyngka, u bah Adelbert uba la ïoh ïa ka lad ban ïatai tang khyndiat por u bah Adelbert u la thalaiñ ïa ka sorkar ha kaba ïadei bad ka jingbymlah ban pynbeit ïa ka kam ha Them Ïew Mawlong kaba ka sorkar ka dang khang sah ïa ka surok kaba don ha katei ka jaka.

U bah Adelbert uba long ruh u nongmihkhmat jong katei ka jaka, u la buh jingkylli, “Kumno yn kam ba kan don ka shong suk shong saiñ, haba ïa ka surok kaba dei ban leit sha katei ka jaka, ym shym la lah ban plie?”.

Une u nongmihkhmat u la ong ruh ba haduh kine ki sngi kata lajan shisnem duna ba lamih katei ka jingjia, u dang ïai ap sah ïa ka kaiphod na ka kynhun ba peit bniah ia kane ka kam jingeh ha Them Ïew Mawlong, ka High Level Committee, ba lam khmat da u symbud myntri rangbah ka jylla Meghalaya, u Bah Prestone Tynsong.

Na ka liang u bah Adelbert u la ong, ka sorkar kam nud ruh ban pynrung ïa u hapoh kane ka Committee watla kane ka jaka ka hap hapoh ka konstitwensi jong u.

Shuh shuh, u nongmihkhmat ka North Shillong u la ther tyngeh ïa ka sorkar halor ka jingbymlah ban pynïaid beit ryntih ïa ka elekshon MDC kaba dang shu long da kaba ai nuksa halor ka Video kaba pyni ïa u myntri ka sorkar jylla uba bat ïa ka tnat Transport, u bah Sniawbhalang Dhar uba la ieng ha kawei ka polling station ban khang ïa ka jingwan ki nongthep vote kiba ïaleh pyrshah ïa u kyrtong MDC jong u.

Kumta na ka liang, u MLA ka North Shillong u la dawa na ka sorkar ba ka dei ban pynshitom ïa u bad buh jingkylli ruh ïa ka jingjah jong ki ophisar ka tnat District Council Affairs.

U bah Adelbert u la ther tyngeh ruh ïa ka sorkar kaba Khlem leh eiei wat hadien ba ki nongkitkam ka party jong u hapdeng ka miet ki la ïoh ban kem pyrshah ïa ki nongkitkam ka NPP kiba sam pisa na ka bynta u kyrtong ka NPP na Mawkhar-Pynthorumkhrah konstitwensi.

Sa shisien mar ïadep ban kren halor kaei kaba la jia ha Wahïingdoh, u la buh biang ka jingkylli, “Shano ki ophisar pynïaid elekshon ki jah bad balei kim shym la pynngat kyndon ïa kiba pynkheiñ aiñ?”.

1 thought on “Dawa pynshitom u bah Adelbert ïa u myntri ka tnat Transport

  1. Well done Bah Adelbert.. keep up and vigorously pursue this matter..Wish you all the best

Comments are closed.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589