Ha ka 16 tarik Risaw yn sdang plie ki skul Upper Primary

Shillong, Risaw 7: Ka sorkar jylla lyngba ka tnad pule Puthi jong ka sorkar jylla ha ka sngi Balang ka la pyntip ba katkum ka jingbthah jong ka sorkar pdeng la shah ia ki khynnah klas 6 haduh klas 8 ba kin leit sha skul naduh ka 15tarik mynta u bnai.

Hynrei haba iadei pat ha kane, na ka liang u Myntri ka tnad pule Puthi Bah Lahkmen Rymbui u la ong ba ha shwa ban ailad ia kitei ki heprit ba kin wan sha skul ki hap ban syllok shwa bad ki bor pyniaid skul kumjuh bad ki COVID Management Commiitee.

Shuh shuh u iathuh ruh ba halor kane la bthah ia ki SDSEO ba kin pan jingmut na ki skul kaei ba ki don ban ong halor katei ka jingthmu jong ka sorkar ha shwa ka 13tarik.

“Hadien ba ngi la ioh ia ka jubab na ki skul lyngba ki SDSEO ngin sa shong pat na ka liang ka sorkar khnang ban shim ia ka rai kumno ban leh,” ong u Myntri.

Shwa kane u la ong ruh ba kumba ki leh ia ki khynnah klas 9 haduh klas 12 kumjuh ki kyndon kin long na bynta ki klas 6 haduh klas 8 ha kaba ki kmie ki kpa ki hap ban soi ia ka jingai jingbit ba ki shah ia ki khun ban wan sha ki skul.

Door Step Delivery Of Medicine

We Advertise

Shillong Mail shillongmailnews@shillongmail.com

  • 7085718589
  • Head Office: Langkyrding Mihngi
    Shillong
    For Advertisements
    Call Us Here 98634-49079
  • ################