Haduh 47 ngut kiba ïoh COVID 19 mynta ka sngi

Shillong, Naitung 11: Katba dang mih ki sngi, katta dang kiew jong kiba ioh COVID 19 hapoh ha kaba haduh 47 ngut ki briew ki la kem pang ha ka sngi Saitjain.

Na kitei ki 47 ngut, 8 ngut kidei kiba ïa bit na ki nongleit iathoh sha Khanapara, 30 ngut ki BSF bad 9 ngut pat kidei kiba wanphai na shabar jylla.

Katkum ka jingiathuh da u Myntri ka Koit ka Khiah, bah A.L Hek ka jingdon kiba ioh COVID ha ka jylla ka la Kiew sha ka 236 ngut, kata 205 ngut na East Khasi Hills, ha kaba 159 ngut kidei na East Khasi Hills, Air Force 2ngut kynthup ia ki briew paidbah 44 ngut.

Na Ri Bhoi pat ki don 20 ngut kiba ioh ia Utei u virus, East Jaintia 2 ngut, West Garo Hills 9 ngut bad 45 ngut kiba la koit.

U Myntri u la iathuh ruh ba ha kane ka sngi la phah haduh 23544 tylli ki sample ha kaba 22902 ki ioh negative bad 290 ngut pat kidei kiba dang ap ia ka report.

La iathuh ruh ba tad haduh mynta ka jingdon ki briew ba wanphai na shabar jylla ka la poi sha ka 21496 ngut.