Haduh 8 ngut tang mynta ka sngi ba ïoh COVID ha Meghalaya

Shillong, Naitung 06 : Ki la don haduh 8 ngut ki briew kiba la ioh ia u COVID -19 tang mynta ka sngi Nyngkong, kaba pynlong ia ka Meghalaya ban don mynta haduh 36 ngut kiba ioh ia utei u virus bad 43 ngut pat kiba koit.

Na kitei ki 8 ngut, haduh 6 ngut ki dei na East Khasi Hills ba kynthup ia 5 ngut ki BSF bad iwei ba wanphai na jingiathoh shongkurim. La iathuh ba iwei dei na Ri Bhoi bad iwei pat na West Garo Hills.

Haba kren bad ki lad pathai khubor, u Myntri ka Koit ka Khiah Bah AL Hek bad Director ka tnad, Dr. Aman War ki la pyntip ba haduh mynta tang na East Khasi Hills ki la don haduh 18 ngut kynthup 17 ngut tang ki BSF, nangta ka Ri Bhoi 12 ngut, South West Garo Hills 2 ngut, West Garo Hills 3 ngut bad East Jaintia iwei.

Ha kawei pat ka liang la iathuh ba ki sample ba phah ki long 21846 ngut bad kiba long Negative ki long 21223 ngut.