Haduh 82 ngut kiba ïoh COVID mynta ka sngi

Shillong, Nailar 16: Ka jingdon jong ki briew kiba ioh ia u khñiang jingpang cironavirus ha kane ka sngi u Blei jong ka taìew ka long haduh 82 ngut kaba pynlong ia ka jylla ban poi mynta haduh 693 ngut ki nongpang ha baroh knawel ka jylla.

Kitei kiba ioh thymmai ki kynthup ia ki 20 ngut, na East Khasi Hills kata kynthup 5 ngut ki BSF bad paidbah 15 ngut. Nangta 09 ngut na Ri Bhoi kibadei lut ki paidbah, bad 48 ngut na West Garo Hills ba kynthup ia ki 39 ngut ki BSF bad 9 ngut ki paidbah.

Kiba koit mynta ka sngi pat ki poi haduh 79 ngut ba kynthup ia ki arngut ki doktor na ki ar tylli ki hospital kiba don ha ka nongbah kaba pynlong ia ka jylla ban don baroh 675 ngut.

Kiba koit ha kane ma sngi ki kynthup haduh 75 ngut ha East Khasi Hills kata 21 ngut ki BSF, 3ngut ki shipai’ bad 51 ngut ki paidbah, 03 ngut ha Ri Bhoi bad 01 – West Jaiñtia.

Kumba long mynta na ki 693 ngut kiba ioh ia u khñiang tang ha East Khasi Hills ki la don haduh 338 ngut, kata 71 ngut ki BSF, 70 ngut ki shipai bad 242ngut ki paidbah. Ha West Khasi Hills – 3, South West Khasi Hills – 1, Ri Bhoi – 100 ngut, West Jaiñtia Hills – 05 ngut, East Jaiñtia Hills – 05 ngut, West Garo Hills – 183 ngut, South West Garo Hills – 3 ngut, South Garo Hills – 2 bad North Garo Hills – 8 ngut.