Haduh ban da wan lut nabar jylla lah ban plie ia ka Ïewduh

Shillong, Jylliew 11 : Ka sorkar jylla kam pat kyrkieh satia ban plie ia ka Iewduh katba ka jingdon kiba ioh ia uteiu khniang jingpang COVID 19 ha ka jylla kim pat hiar khamtam haba ka jingpoi ki samla na bar jylal kam pat kut, ong u Myntri ka tnad ka Koit ka Khiah ka jylla, Bah AL Hek.

Haba kren bad ki lad pathai khubor, u Myntri u ong ba tad haduh mynta ki sakhi ba utei u khniang u la nang kiew ym tang ha ri India hynrei ha Meghalaya ruh kumjuh bad dei na kata ka daw kim pat kwah ban plie ia katei ka iew namar tang shu plie ki paidbah na kylleng ka Rilum Khasi bad Jaiñtia kin sa wan lut.

“Ngin hap ban peit shwa ïa ka jinglong jingman ynda la wanphai lut ki samla pule na shabar ka jylla hashwa ba ngin shim ïa ka rai halor katei ka Ïew,” u la ong da kaba bynrap ba ka sorkar kan ym plie lut shi sien plie ïa baroh kawei ka ïew hynrei kin hap ban plie khyndiat khyndiat shwa.