Haryngkat ki nonghikai, ki khynnah skul ki donkam ïa ki kamra bad ki jaka shong kiba paka: Metbah

Shillong, Lber 10: U MLA ka Mairang uba long ruh u Lamphang ka iingdorbar thawaiñ, u bah Metbah Lyngdoh mynta ka sngi u la ong, ka jingsam ïa ka jingnang jingstad kadei ruh ban ïaid haryngkat ka jingbiang ki jaka pule kum ka ïing skul ne ki kamra skul kiba biang na ka bynta ki khynnah.

“Lada khlem ka ïing, ki kamra kiba paka bad ki jaka shong kiba skhem kumno ki khynnah ki lah ban shah shkor sha ki nonghikai haba ki wan pule ha ki skul,” ong u bah Metbah hynne ka sngi haba plie ïa kawei na ki kamra skul jong ka Government Lower Primary School kaba don ha ka shnong Kynsew, West Khasi Hills.

Na ka liang u MLA ka Mairang u la kyntu jur ïa ki nongpynïaid skul kumjuh ruh kul kumjuh ruh ïa ki khynnah ba kin sumar ïa ka jingdon jingem jong ka skul khnang ba kan long ka jingmyntoi ïa baroh bad kan long ka burom ïa ka shnong.

Ha ka jingpynsngew ïa ka jingdonkam ban sngewthuh ïa ka dor jong ka jingnang jingstad, u bah Metbah u la kyntu ïa ki nonghikai ruh ba kin minot bad trei shitom ban ai ka jinghikai kaba thikna sha ki khynnah skul khnang kin long ka jingshai na ka bynta ka imlang sahlang.

U la ong ruh ba u dap da ka jingsngew kmen ban tip ïa ka jingthmu jong ka sorkar Jylla kaba dang pyrshang ban pyntreikam ïa ka rukom treikam kaba thymmai ba uwei u nonghikai udei ban ai jinghikai ïa 30 ngut ki khynnah skul ym ban palat ïa kane.

“Nga ngeit lyngba kane ka jingpyrkhat thymmai, kan ïarap shibun ym tang ïa ki khynnah hynrei ïa ki nonghikai ba kin pynleit jingmut, ban ai ka jinghikai kaba kham bniah bad kaba lah ban pynsngewthuh bha,” ong u bah Metbah.

Na ka liang u bah Metbah ha kane ka sngi u la kular ruh ïa ki nongpynïaid skul ba un dang peit bad kyrshan ïa kane ka shlem ai jingnang jingstad ha kiba bun ki liang.

Haryngkat ka jingphuh samrkhie bad da ka jingieit, u MLA ka Mairang u la kyntu ïa ki heprit kiba dei ki khynnah skul jong ka Kynsew LP School ba kin lehkhuid ïa ki kamra klas bad ban nym pynjaboh ïa ki sawdong sawkun.

Kum ban shu pyntip, kane ka skul mynta ka don haduh 95 ngut ki khynnah skul.

Ha kane ka sngi, kiba la ïadonlang haryngkat bad u MLA ka Mairang ki kynthup ïa u SDO ka Mairang Civil Sub Division, u bah Alert Nongbri, SDPO ka Mairang, bah H Kharkongor bad kiwei kiwei kynthup I headmistress bad ki nonghikai.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589