Hiar ka jingdon jong ki briew kiba ïoh pang COVID-19

Shillong, Risaw 26: Ka jylla Meghalaya ha ka sngi Nyngkong ka la sakhi biang ïa ka jinghiar ka jingdon ki briew kiba ïa bit ïa u khniang COVID-19 namar ha kane ka sngi ki don tang 48 ngut kiba ioh thymmai ïa utei u virus.

Tad haduh mynta ka sngi ki briew kiba ioh ïa utei u virus ki long baroh 1514 ngut ha baroh kawei ka jylla.

Ha kawei pat ka khubor, la sakhi ruh ba ha kane ka sngi ym don satia ki briew kiba khlad na ka daw jong u COVID nalor kiwei ki jingpang ba ki don.

Kitei kiba ioh thymmai ïa utei u khniang jingpang ki kynthup ïa ki 23 ngut na East Khasi Hills, 14 ngut na West Jaintia Hills, 05 ngut na West Garo Hils, 03 ngut an North Garo Hills, Ri Bhoi – 01, South West Garo Hills – 01 bad South West Khasi Hills -01.

Ha kane ka sngi la sakhi pat ba ki don haduh 136 ngut kiba koit kiba pynlong ïa ka jylla mynta ban don haduh 7471 ngut ki briew kiba la koit.

Kitei ki 136 ngut ki kynthup ïa ki 117 ngut na East Khasi Hills, Ri Bhoi – 11 ngut, West Garo Hills – 06 ngut, North Garo Hills -02 ngut, South West Khasi Hills – 02 bad West Jaintia Hills – 01.

One thought on “Hiar ka jingdon jong ki briew kiba ïoh pang COVID-19”

Comments are closed.