Ilekshon shiteng samoi KHADC – Langrin konstitwensi: Mynjur ka RDA ïa ka kyrteng u bah Pius Marweiñ

Shillong, K’lyngkot 27: Ka Regional Democratic Alliance (RDA) kaba dei ka kynhun synrop jong ka United Democratic Party (UDP) bad ka Hill State People Democratic Party (HSPDP) hynne ka sngi ka la ai jingmynjur ban pynieng da u bah Pius Marweiñ kum u kyrtong ha la ilekshon shiteng samoi jong ka KHADC.

Kane ka jingïalang la pynlong mynta ka janmiet ha ka ophis treikam jong u Lamphang ka ïingdorbar thawaiñ uba long ruh u president ka UDP, u bah Metbah Lyngdoh.

Kiba la ïa don ryngkat ha kane ka jingïalang ka kynthup ïa u bah Metbah, u bah Brolding Nongsiej (MLA) ha ka jingdon ryngkat u bah Pius Marweiñ uba la UDP ka la jied kum u kyrtong bad na ka liang ka HSPDP kiba ïadonlang ki kynthup ïa u bah K.P Pangniang uba long u president katei ka seng bad u bah Samlin Malngiang (MLA).

Lah ban shu pynkynmaw, ha ka 23 tarik jong une u bnai, ka UDP hapoh ka jingïalang jong ka Central Executive Committee ka la pdiang ïa ka kyrteng u bah Pius kum u kyrtong bad ka la rai pat ban phah ïa ka kyrteng jong u sha ka jingïalang na ka bynta ban ïohpdiang jingmynjur.

Katkum ka jingïathuh jong u president ka UDP, ka jingïalang jong ka RDA hadien ba la shong pyrkhat sani bha ka la pdiang bad ban ai jingmynjur ïa u bah Pius kum u kyrtong monlang.

Ka ilekshon shiteng samoi jong ka KHADC na ka bynta ka Langrin konstitwensi kan long ha ka 28 tarik Rymphang.

Ka jingdon ka ilekshon shiteng samoi kadei na ka jingkhlad noh u bah Nasar Marweiñ uba long hi u MDC ka UDP.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589