Ïoh COVID u Rangbah na Ri Bhoi, koit noh u shipai Assam regiment

Shillong, Naitung 2: Ka sorkar jylla ha ka sngi Palei ka la pynbna ba sa uwei pat u rangbah na Ri Bhoi ba trei sha Assam u la ioh ia u khniang jingpang Coronavirus hynin ka sngi, kaba pynlong ia ia jylla mynta ban don 12 ngut ki briew kiba don mynta ha ki jaka sumar bapher bapher.

Haba kren bad ki lad pathai khubor, u Myntri ka Koit ka Khiah Bah AL Hek, kumjuh u Director katei ka tnad, Dr. Aman War ki la pyntip ba ha katei ka sngi hi uwei u Rangbah ba dei u shipai jong ka Assam Regiment u la koit noh, kaba py long mynta ba ka jingdon kiba koit baroh ka long 43 ngut.

Na ka liang u Myntri u la iathuh ruh ba ki sample ba ki phah mynne ka sngi ki long 19994 tyll bad hapdeng kitei 19679 ngut ki long negative bad ka report ba dang sah ka long 260 ngut.

Tad haduh mynta, ka jingdon kiba ioh ia utei u khniang ki long 6 ngut na East Khasi Hills, 2ngut na Ri Bhoi, 1 na East Jaintia, 2 na South West Garo Hills bad 1 na Tura.