Ïoh kem pang COVID-19 haduh 109 ngut mynta ka sngi

Shillong, Nailur 3: Ka Jylla ha ka sngi Palei ka la ïoh ban sakhi ba ki don haduh 109 ngut kiba ioh thymmai ïa u khniang jingpang coronavirus tad haduh ka por 1 baje mynsngi kaba pynlong ia ka jylla mynta ban don 1220 ngut ki nongpang.

Haba pyntip ia kane, u Director ka tnad ka Koit ka Khiah, Dr. Aman War ia kitei ki 109 ngut kiba ioh thymmai, haduh 78 ngut kidei na East Khasi Hills kata kynthup ia ki 10 ngut ki shipai bad 68 ngut ki paidbah.

Nangta ha West Garo Hills ki don 15 ngut, Ri Bhoi 13 ngut, South Garo Hills – 2, West Jaintia -1.

Tang ha kane ka sngi ki la don haduh 75 ngut kiba koit kata 58 ngut na Est Khasi Hills (38 shipai bad 20 ki paidbah), West Garo Hills – 12, North Garo Hills – 4, bad Weat Khasi Hills – 1 kaba pynlong ia ka jylla mynta ban poi haduh 1393 ngut kiba la koit.

Kumba long mynta ka jingdon kiba ioh ia utei u virus ka kiew biang  ha East Khasi Hills Hills ki 833 ngut kata 173 ki shipai bad 660 ki paidbah.

Ha West Khasi Hills pat ki don 44 ngut, Ri Bhoi – 84,West Jaintia -3, East Jaiñtia – 23, West Garo Hills – 121, South West Garo Hills – 3, South Garo Hills – 21, East Garo Hills – 83 ngut bad North Garo hills 5 ngut.

U DHS u la iathuh ruh ba ki nongpang kiba don ha ki jaka sumar ki long 69 ngut mata 25ngut ha Civil Hospital, RP Chest Hospital Mawprem – 6 ngut, Tura Civil Hospital – 9 ngut, Ampati Hospital – 3 ngut, Resubelpara Hospital – 6 bad 10 ngut ha NEIGRIHMS.