Ioh rung ka nongbah Shillong ha ka thup Smart City

Shillong, Jylliew 20: Khatduh khatwai, ka kyrteng jong ka nongbah Shillong ka la ïoh ïa ka jingithuh kum ka Smart City hadien ba ka sorkar pdeng ka la jied ïa ka napdeng ki 100 tylli ki nongbah ha ka ri.

Kham mynshuwa, ka jingtyrwa jong ka sorkar jylla ka la shah kyntait kumba lai sien ha kaba ïadei bad kane ka skhim ba la pynbna da ka sorkar NDA hapoh ka jingialam jong u Narendra Modi kum u Myntri Rangbahduh ka ri.

Ïa ki 100 tylli ki nongbah la jied da ka sorkar ban pynlong kum ka Samrt City katkum ka jingdon jong ki nong shong shnong bad ki nongbah ha ka jylla bad ka jylla Meghalaya ka la ioh ia ka nongbah Shillong.

Haduh mynta 99 tylli ki smart city ki la shah jied ha ki saw tylli ki jingiakob bad mynta ka sngi la pynbna, ba la jied ia ka nongbah Shillong hapoh ka Smart Cities Mission, ong ka kyrwoh na ka Ministry of Housing and Urban Affairs.

Hashuwa ba ka nongbah Shillong kan shah jied, 20 tylli ki nongbah ki la shah jied ha u bnai Kyllalyngkot jong u snem 2016, 13 tylli ki nongbah ha u bnai Jymmang 2016, 30 tylli ki nongbah ha u bnai Jylliew 2017 bad 9 tylli ha bnai Kyllalyngkot 2018.

Ka jingpynlut ha kaba iadei bad ki 100 tylli ki nongbah hapoh ka Smart Cities Mission kan long 2,05,018.

Ka jingpyntreikam kan long lyngba ka Special Purpose Vehicle(SPV) bad kan don ka Mission kum ka Central Sector Scheme bad ka jingbei pisa kan long san snem.

Nalor ka jingbei pisa ka sorkar pdeng, ka sorkar jylla ka hap ruh ban pynmih pisa na lade ban pyniaid ban pyntreikam ia kane ka skhim.

Ia ka Smart Cities Mission la plie da u Myntri Rangbahduh ka ri u Narendra Modi ha ka 25 tarik Jylliew 2015.

Image Credit: Lumlung Kamei

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589