Ka KHADC kan jubab sha u Lat halor ka jingujor ki lai ngut ki bar Jylla: Titos Chyne

Shillong, Risaw 20: Ka Khasi Hills Autonomous District Council ka la pynpaw ba kim lah satia ban pdiang ïa ka jingshah kynthoh ha dohkhas kaba la ujor da ki bar jylla dang shen sha u Lat ka jylla haba ïadei bad ka jingjia ha Ichamati.

Halor kane, na ka liang u Chief Executive Member ka Council Bah Titos Chyne u la ïathuh ba ka Executive Committee kaba long ha kane ka sngi Ba-ar ka la rai ban thaw da ka Special Committee ban bishar bniah halor katei ka jingkynnoh bad ruh ban jubab pat sha u Lat.

Katkum ka jingïathuh jong u, katei ka jingkynnoh jong kitei ki bar jylla ka la ktah mationg haduh katta katta ïa ka Council bad ka rukom treikam jong ka kaba la ïalam bakla wat ïa u lat bad wat shabar ruh.

“Kane ka jingujor jong kitei ki bar jylla ki la ktah matïong haduh katta katta ïa ka Council Council ka bor jong ka bad kane ka lah ban ïalam bakla ym tang ïa u Lat hynrei wat shabar ruh,” u la ong da kaba bynrap ba dei halor katei ka nongrim ba ki thaw da Special Committee kaba kynthup ïa ki stad aiñ bad ki ophisar.

U CEM u ong ruh ba ki kwah ban pynshai ba ka kam jong ka Council kam dei satia ban thombor ïano ïano ruh namar katkum ka aiñ Trading by Non-Tribal la shah wat ïa ki bar jylla ruh ban treikam ne leh ïa ka khaii pateng ha u pud u sam Jong ka Council.