Ka KSU kan nym pdiang ïa ka skulbah NEHU bad IIT ban tohkit halor ka jingpei ki jaka buh jakhlia Uranium

  • Shillongmail
  • October 23, 2020
  • Comments Off on Ka KSU kan nym pdiang ïa ka skulbah NEHU bad IIT ban tohkit halor ka jingpei ki jaka buh jakhlia Uranium

Shillong, Risaw 23: Ka seng ki samla pule, ka Khasi Students Union mynta ka sngi ka la pynpaw ba kan nym pdiang ïa kino kino ki skulbah (Universities) kiba mut ban leit ban wad bniah halor ka jingpei ki jaka buh jakhlia u Uranium ha Nongbah Jynrin.

Kane ka jingpyrshah ka wan lyngb aka KSU South West Khasi Hills District kaba la phah ïa kane ka kyrwoh shaka sorkar da kaba kynthoh ruh halor ka jingthmu jong ka ban phah ïaka Indian Institute of Technology (IIT), Guwahati bad ka North Eastern Hills University (NEHU) ban wad bniah ia kata ka jingpei Ki jaka buh jakhlia uranium (tanks) bad ban wad bniah halor ka jinglait jong ka lyer bih (radiation) na kita ki thliew.

“Kine ki skulbah kim dei ki kynhun laitluid hynrei kiba don hapoh ka jingpynïaid ka sorkar (dependent agencies not independent agencies)”, ong ka kyrwoh na u president ka South West Khasi Hills, u Forwardman Nongrem.

U president ka KSU u la ong, kane ka jingkynthoh ïa ka sorkar ka wan hadien ba ki la ïoh jingtip ba ka sorkar lyngba u Chief Secretary ka jylla u M.S Rao myn haka sngi baar ki la pyntip ba ka sorkar ka don jingmut ban phah ïaka IIT, Guwahati bad ka NEHU, kaba ka seng ka shim ba kidei ki skulbah kiba la don liang lypa bad kaba pynthikna bay n don beit u ” Remote Control ” ban pynïaid iaki khnang ban ïohlad ban buhrieh ïaki jingshisha. 

Ka seng KSU ka ong ba katkum ki jingtip kiba ki don, ka North Eastern Hills University ka dei ka University ba la bei pisa bad pynïaid daka Central Government bad ruh ba ki don ki tnat jong ka University kata naduh 2002 ki ju ïarap ban leh research da kaba ki ju ioh fund naka Department of Atomic Energy, Board of Research in Nuclear Sciences (BRNS), Mumbai bad naka Babha Atomic Research Centre (BARC) kiba la dei lypa ki research ban manipulate iaki jingshisha tang ban  139oh tih uranium hapoh katei ka thaiñ.

Haba iadei bad ka Indian Institute of Technology (IIT) Guwahati, naka liang ka seng KSU ka sngew ban ong ba kane ka University ka dei ka “Dependent Agency ym ka Independent Agency “namar ia kane ka University ruh la bei tyngka daka Central Government . 

U Forward Nongrem u la buh ka jingkylli, kaei ka jingmut jongka Independent Agency lada dang wanrah daki ba la pyni lypa ba ki dei ki Dependent agencies bad halor kane ka nongrim ka seng ka kwah ban krenshai ba ngin nym pdiang ïaka “jingwadbniah laitluid” kaba tang ka kyrteng katba ki jingtreikam ki pyni da kumwei.

“Ngi la ïaishah bad ka sorkar hynrei wat pyrkhat pat ba ka seng ne ki paitbah ka South West Khasi Hills District ki dei kiba dang biej kiba phi lah ban ïalam bakla katba phi mon. Long katba long hynrei ïa kane ka rai jongka sorkar ban phah daka NEHU bad IIT Guwahati ka seng kan nym lah ban pdiang,” ong u president ka KSU South West Khasi Hills.