Ka longkmie kaba ïoh ïa u COVID-19 kadei kaba wanphai na Delhi

Shillong, Jylliew 10: Ka longkmie kaba dang shu ioh ia u khñiang jingpang Coronavirus kadei kaba armet bad ka don mynta ha jaka ai jingsumar jong ka North East Indira Gandhi Regional Institute of Health and Medical Sciences (NEIGRIHMS), Shillong.

Katei ka longkmie kadei kaba dang shu wan shen na nongbah Delhi ryngkat bad u kurim jong ka, uba la ioh lang ia utei u khñiang jingpang.

Haba pyntip ia kane, u Myntri ka tnad ka Koit ka Khiah ka Jylla, Bah AL Hek u la ong ba kitei baroh shi kurim ki don ha ka met kaba koit ba khiah.

La iathuh ruh ba tad haduh mynta ki la phah haduh 11,812 tylli ki sample bad ka report kaba ki ioh ka long 11,455 kiba long negative watla ki dang ap sa 313 tylli ki sample kiba dang sah.

Lah ban kdew hangne, ba tad haduh mynta ki la don haduh 30 ngut kiba ioh ia utei u khniang jingpang bad baroh ki don ha ki jaka ai jignsumar bapher bapher jong ka jylla