Ka mang tyngka kaba duna 1,323 klur wanrah u Conrad Sangma na ka bynta u snem 2019-20

Shillong, Lber 12: U Myntri Rangbah ka Jylla u Conrad Kongkal Sangma mynta ka sngi u la wanrah ïa ka mang tyngka kaba duna 1,323 klur tyngka bad kaba long kumba 3.65 persen jong ka Gross State Domestic Product (GSDP) na ka bynta u snem 2019-20.

Da kaba rah ïa kane ka mang tyngka kaba dei kaba ar jong ka sorkar Meghalaya Democratic Alliance ba lam khmat da ka National People’s Party (NPP), u Conrad u la buh ba ka jingioh pisa ka long 16, 199 klur tyngka, ha kaba ka jingioh lum pisa na ka khajna la buh 14,438 klur tyngka bad ka jingioh pisa baroh ka long 1, 761 klur tyngka.

U Myntri Rangbah u la ong lait noh na ka ba shim kylliang, ka jingioh pisa baroh ka long 14, 463 klur tyngka.

Ha kaba ia dei bad ka jing-pynlut , ka jing-pynlut pisa baroh ka long 16, 202 klur tyngka na ka bynta u 2019-20 na kaba ka jing-pynlut la buh 13,700 klur tyngka bad ka pisa ba sah ka long 2,502 klur tyngka.

U Conrad u la ong ba lait na ka ban siew ram kaba long 416 klur, ka jing-pynlut ka long 15, 786 klur tyngka.

U la ong ruh ba ka jingsiew sut (interest payment) na ka bynta u 2019-20 la buh 746 klur tyngka bad ka jingsiew ia kiba la shongthait na ka kam (pension payment) ka long 855 klur tyngka.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589