Ka Nos kaba ïoh COVID-19 na NEIGRIHMS kam dei kaba trei ha ka jaka sumar COVID: Topno

Shillong, Naitung 13: Ka Jylla ha ka sngi Nyngkong ka la ïoh biang sa 18 tylli ki nongpang ba ïoh thymmai ïa u COVID -19.

Kitei ki kynthup ïa 10 ngut na ki BSF bad 8 ngut na NEIGRIHMS. Kumba long haduh mynta, ka jingdon ki nongpang ba ioh COVID ha Meghalaya ka la poi haduh 277 na ki 259 ngut kaba don mynnin ka sngi.

Haba kren bad ki lad pathai khubor hynne ka sngi, uMyntri ka tnad ka Koit ka Khiah ka jylla, Bah AL hek u la ïathuh ba na kitei ki 277 ngut ki nongpang, 236 ngut ki dei na East Khasi Hills ba kynthup ïa ki 182 ngut ki BSF, 2 ngut na ki Air Force bad 52 ngut na ki riew paidbah, bud sa ka Ri Bhoi da ki 20 ngut, East Jaintia – 2 ngut, West Garo Hills – 9, South Garo Hills – 2, East Garo Hills -1 bad North Garo Hills 1.

La ïathuh ruh ba haduh mynta ki don haduh 46 ngut kiba la koit na utei u virus.

Ha kane ka sngi, u Medical Superintendent jong ka North Eastern Indira Gandhi Regional Institute of Health and Medical Sciences (NEIGRIHMS), Dr. Topno u la pyntip ba katei ka jaka ai jingsumar ka la don haduh 13 ngut ki nongpang COVID, kaba kynthup lang ïa kawei ka nurse.

“Kane ka nurse kam dei satia kaba trei ha jaka sumar COVID,” u la ong da kaba bynrap ba ki lyngoh ruh naei katei ka nongtrei ha katei ka hospital ka ïabit ïa utei u virus.

U la ïathuh ruh ba arngut na kitei kiba ioh COVID kidei kiba wan na bar jylla, uwei na Kolkata bad uwei pat na Tripura.  Nalorkata, u ïathuh ruh ba kiwei pat ki hynriew ngut kidei ki ba ïa bit na u shipai BSF bad san ngut kwiei pat kynthup ïa katei ka nurse kadei kaba ki lap ha ka por ba ki test. 

One thought on “Ka Nos kaba ïoh COVID-19 na NEIGRIHMS kam dei kaba trei ha ka jaka sumar COVID: Topno”

Comments are closed.