Ka Sorkar kan shim ka jingkitkhlieh halor ka jinglut ka bai rel: Prestone

????????????????????????????????????

Shillong, Jymmang 14:  Kum shi bynta ban iada na ka jingphriang jong u COVID-19, na ka liang ka sorkar jylla ka la pyntip ia ki kmie ki kpa jong kito ki khun kiban wan phai shen na Chennai ba ka sorkar jylla hi kan shim ia ka jingkitkhlieh ban leit shaw ia ki khun ki kti jong ki naduh steshon rel kaba ha Guwahati bad wallam pat ia ki sha ki distrik jong ki hi.


Katkum ka jingiathuh da u Symbud Myntri Rangbah, Bah Prestone Tynsong la ong, “Na ka liang ka sorkar kan ym ai ‘car pass’ ia ki ban leit shaw na railway station ha Guwahati namarba ka sorkar ka la dep ban pynbeit kyrpang da ka kali na ka bynta jong ki ban pynpoi ha la ki jong ki jong ki distrik.”


Shuh shuh u la kyntu ruh ia ki ba kin ai ka jingiatrei lang bad ka jingpynbeit na ka liang ka sorkar khnang ba kan ym don kano kano ka jingma na ka bynta jong ki bad jong kito kiban wanphai na Tamilnadu.


Ha kawei pat ka liang u la pyntip ruh ba ia ka jinglut jingsep na ka bynta ka bai leit bai wan jong kitei ki samla la tip bad siew hi da ka sorkar.


U Bah Prestone u la iathuh ruh ba ki la dep bthah ia ki Deputy Commissioner jong ki distrik bapher bapher ba kin long kiba la pynkhreh lypa ban pdiang ia kitei ki samla kiban sa poi shen na kylleng sawdong jong ka Ri. 

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589