Khlad saw ngut na ka khlam COVID-19, 176 kiba ïoh pang

Shillong, Nailur 30: Ki la don haduh saw ngut ki briew kiba iap ha kane ka sngi Balang kaba pynlong ia ka jylla mynta ban don haduh 51 ngut na ka daw jong u COVID.

Ha kajuh ka por pat ki la don haduh 176 ngut ki briew kiba dang ioh thymmai ia utei u khniang jingpang tang ha kane ka sngi kaba pynlong ia ka jylla mynta ban don haduh 1615 ngut.

Kitei ki sawngut kiba khlad hynne ka sngi katkum ka jingiathuh da u  Director of Health Services (MI), Dr. Aman Warr, iwei i dei i longkmie ba la tip kyrteng kum i Donia Khyriem, 59 snem na Mawkriah, Mawngap, iba la khlad noh ha ka 28 tarik ha  H. Gordon Robert’s Hospital.  

Ki lai ngut kiwei pat ki kynthup ia u M. D. Salim na  Mawbah uba la khlad ha Nazareth Hospital, BahDran Lyngkhoi 68 snem na Smit, uba la khlad ha Civil Hospital, Shillong ha ka por 2:20  baje mynstep bad ka Minati Chakravarti 74 snem na Laban, Last Stop kaba la khlad lypa shwa ban poi sha  Bethany Hospital.

Kiei kiba dang ioh pang thymmai ki kynthup ia ki 113 ngut na East Khasi Hills, West Garo Hill 30, Ri-Bhoi 18 , South West Garo Hills 11, East Garo Hills, North Garo Hills, West Khasi Hills bad South West Khasi Hills mar iwei.

U Dr. Warr u la pyntip ruh ba kidon ruh 37 ngut kiba la koit ha katei ka sngi ba kynthup ia ki 21 ngut na West Garo Hills,  Ri-Bhoi 11 ngut,  East Khasi Hills lai bad  South West Garo Hills arngut.