Ki 25 tylli ki ambulance kin shakri ïa ka jylla palat 5 snem: Conrad

Shillong, Jymmang 5: Ka sorkar jylla ka la iohpdiang haduh 7.95 klur tyngka tang na ka jingnoh synñiang ki paidbah bad ki kynhun bapher bapher lyngba ka Chief Minister Relief Fund na ka bynta ban ïakhun ïa u khñiang jingpang Coronavirus.

Haba kren bad ki lad pathai khubor u Myntri Rangbah ka jylla, Conrad K Sangma u la iathuh ba na katei ka pisa ba ki ioh lum, haduh 4.50 klur tyngka ki la thied ia ki ambulance. “Kaba sah mynta sa kumba 3 klur tam ngi lah ban pynlut na ka bynta ki corona centre,” u la ong.

Haba pynshai halor ka jingthied ia ki ambulance, u Myntri Rangbah u la ong ba kitei ki kali kin lah ban bteng ka jingshakri ia ki paidbah ha ki 5 bad 10 snem ban wan haba iadei bad ka koit ka Khiah.

“Kumta ngi pyrkhat ba da kaba thied ia kitei ki tiar kum ki ambulance ka kham don nongrim shibun namar ki dang lah ban ai jingmyntoi ha ki snem ban wan watla ki don bun shibun ki jingdonkam ban pynlut,” u la bynrap biang.

Nalorkata u la ong ruh ba ka GVK 108 ki la trei borbah bha ha katei ka bynta bad ong ruh ba ki la ju kyrpad ban pynbiang ia ki ambulance khamtam haba bun na kitei ki kali kit nongpang kidei kiba la rim namar ki la iaid mynta la palat 12 snem ei ei nalor ba ka leit ka wan jong ki ka kham bun sha nongkyndong.

U Myntri Rangbah u la ong ruh ba bun na kitei ki ambulance ba ki thied mynta kin sa pyndonkam na ka  bynta ki nongkyndong kiba kham donkam kyrkieh ia ka.  “Hynrei is mynta ngin pyndonkam shwa ha Shillong bad kiwei ki jaka ha kane ka jingiakhun ia u COVID -19,” u la ong.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589