Kiba wanphai hadien ka 10 tarik ki hap siew hi ïa ka bai kali

Shillong, Jylliew 8: Ka sorkar jylla ha ka sngi Nyngkong ka la pynbna ba kito ki samla kiba wan na kylleng ki bynta jong ka India naduh ka 11 tarik mynta u bnai ki hap ban siew hi ka bai leit bai wan haba ki la poi ha steshon rel ne kad liengsuiñ.

Haba pyntip ha ki lad pathai khubor, u Symbud Myntri Rangbah Bah Prestone Tynsong u la ong ba katei ka rai ba ki shim ka long katkum ka rai ba ki shim mynshwa, ba ka sorkar kan pynbiang ia ka bai leit bai wan kan dei tad haduh ka 10 tarik mynta u Jylliew bad ba kito kiba wan hadien katei ka sngi kin hap ban siew hi dalade.

Ha kawei ka liang pat u la ong ba ia ka kali ban leit shaw ia ki kan pynbiang hi ka sorkar tangba ki hap ban siew.