Kiew biang ka jingdon jong kiba ïohpang Covid-19 hapoh ka jylla

Shillong, Naiwieng 8: Haduh 155 ngut ki briew ki la ia bit thymmai biang ia u khniang COVID-19 ha ka jylla katba ka jingdon kiba koit pat ka long tang 116 ngut ha kane ka sngi u Blei. Mynta ka jylla ka la kiew biang sha ki 1034 ngut kiba pang ha baroh kawei ka jylla katba kiba koit pat ki la poi haduh 9075 ngut.

Kitei ki 155 ngut kiba dang ioh thymmai ki kynthup ia ki 69 ngut na East Khasi Hills, 61 ngut na Ri Bhoi, 11 ngut na West Garo Hills, 07 ngut na East Garo Hills, 05 ngut na South Garo Hills bad 02 ngut na West Jaintia Hills.

Ha kane kajuh ka sngi kiba koit pat ki long 116 ngut kata kynthup ia ki 30 ngut na West Garo Hills, 29 ngut na Ri Bhoi, 27 ngut na East Khasi Hills, 13 ngut na East Garo Hills, 08 ngut na South Garo Hills, 07 ngut na West Jaintia Hills, bad mar iwei na South West Garo Hills bad South West Khasi Hills.