Kiew biang ka jingdon jong kiba kem pang COVID-19 hapoh ka Jylla

Shillong, Nailar 27: Ki la don haduh 75 ngut ki briew kiba ioh ia u COVID -19 tad haduh ka janmiet sngi Balang kaba pynlong ia ka jylla mynta ban don 1222 ngut ki nongpang ha baroh kawei ka jylla.

Kitei ki 75 ngut ki kynthup ia 29 ngut na East Khasi Hills kiba dei baroh ki riew paidbah.

Kiwei pat ki kynthup ia 01 na South Garo Hills,01 na North Garo Hills, 02 na South West Garo Hills, East Garo Hills 27 ngut, West Garo Hills 15 ngut.

Katba kiba koit pat haduh hynne ka sngi ki long haduh 25 ngut kaba lada kheinlang naduh ba sdang kiba koit ki la poi 899 ngut.

Kitei kiba koit ki kynthup 4 ngut na East Khasi Hills, 1 na West Jaiñtia, 4 na North Garo hills, 2 na South Garo Hills, Ri Bhoi 10 ngut bad West Garo Hills 4 ngut.

Kumba long haduh mynta, ka East Khasi Hills kadei ka Distrik kaba bun eh da ki 847 ngut ba kynthup ia ki 283 ngut ki shipai bad 564ngut ki riew paidbah.

Ha kiwei pat ki Distrik, ka West Khasi Hills – 43, Ri Bhoi 68 ngut, West Jaintia – 02 ngut, East Jaintia – 12, West Garo Hills – 187 ngut, South West Garo Hills – 3, South Garo Hills – 11, East Garo Hills – 39 bad North Garo Hills -10 ngut.

Ha kane ka sngi u DHS, Dr. Aman War u la iathuh ba ka jingdon kiba iap na u COVID 19 mynta ka la kiew sha ka 9 ngut hadien ba ki la kheinlang ia u rangbah ba khlad hynin ka sngi.