Kiew ka jingdon kiba pang COVID haduh 433 ngut hapoh ka jylla

Shillong, Naitung 22: Ki la don haduh 24 ngut ki briew kiba ïoh ïa u COVID -19 tang haduh ka step sngi Balang (12:00am) kaba pynlong ia ka jylla mynta ban don haduh 433 ngut ki nongpang ha baroh kawei ka jylla.

Kitei ki 24ngut kiba ïoh thymmai ki kynthup ïa ki 18ngut na East Khasi Hills  2ngut na East  Jaiñtia bad 4ngut na West Jaiñtia Hills.

Ha East Khasi Hills, na ki 18ngut, 6ngut ki dei ki BSF, 2ngut ki dei ki shipai Air Force bad 10 ngut ki riew paidbah.

Ha kane ka sngi ki la don ruh haduh 7 ngut kiba koit ba kynthup ïa ki 4ngut ki BSF, 2ngut ki BSF bad iwei riew paidbah.

Kumba long haduh mynta ka East Khasi Hills ka don haduh 366 ngut kiba pang COVID ba kynthup ïa ki 269 ngut ki BSF, 14ngut ki shipai bad 83 ngut ki riew paidbah. Katba kiba koit pat ki la poi baroh haduh 77 ngut.

Ha kiwei pat ki Distrik, ka Ri Bhoi ka la kiew mynta sha ka 42ngut,  West Jaiñtia -05, East Jaintia – 03, West Garo Hills – 12, South West Garo Hills – 1, South Garo Hills – 2, East Garo Hills – 01 bad North Garo Hills -01.