Kiew ka jingkoit na ka khlam COVID-19; poi sha ka 59.43% ha India

New Delhi, Naitung, 1: Namar ki sienjam ba la shim da ka Sorkar Pdeng bad ki Sorkar Jylla/ UT ban ïada bad tehlakam ïa ka khlam COVID-19, mynta la don 1,27,864 kiba la ïoh jingkoit na kane ka jingpang haduh mynta. Kane ka mut ba ka ‘recovery rate’ mynta ka la kiew sha ka 59.43%.

Ha kine ki 24 kynta ba ladep, la don haduh 13,157 ngut ki nongpang kiba la ïoh jingkoit bad kane ka mut ba haduh mynta ki la don haduh 3,47,978 ki nongpang kiba la ïoh jingkoit.

Mynta ki don 2, 20,114 ngut ki nongpang COVID-19 bad baroh kine ki dang ioh ka jingsumar.

La pynkhlain ruh ia ka jingdon ki testing lab ha ka ri. Ha ka jingdon 764 ki lab ba pyniaid da ka Sorkar bad 292 ki lab ba pyniaid da ki kynhun shimet, ka jingdon kine ki lab ha ka ri mynta ka long 1056. Kine ki kynthup:

•           Ki Real-Time RT PCR based testing lab: 576 (Sorkar: 365 + Shimet: 211)

•           Ki TrueNat based testing lab: 394 (Sorkar: 367 + Shimet: 27)

•           Ki CBNAAT based testing lab: 86 (Sorkar: 32 + Shimet: 54)

Ka jingtest ia ki sample na ka sngi sha ka sngi ruh ka dang kiew; ha ki 24 kynta ba ladep, la dep test haduh 2,17,931 ki sample. Haduh mynta la dep test haduh 88, 26,585 ki sample.

Ia ki jingtip kiba bniah bad kiba shisha halor ki kam ba iadei bad ka khlam COVID-19, ki jingbthah bad ki jingai jingmut, peit man ka por ia ka: https://www.mohfw.gov.in/ bad @MoHFW_INDIA. 

Ia ki jingkylli ba iadei bad ka teknoloji ha ki kam COVID-19 lah ban phah sha ka technicalquery.covid19@gov.in bad ia kiwei kiwei ki jingkylli pat lah ban phah sha ka ncov2019@gov.in bad @CovidIndiaSeva .

Lada don jingkylli shaphang ka khlam COVID-19, sngewbha phone ia ka helpline jong ka tnat Health & Family Welfare: +91-11-23978046 lane 1075 (Toll-free). Lah ban ioh ruh ia ki number jong ki COVID-19 helpline ha ki Jylla bad ki UT ha ka https://www.mohfw.gov.in/pdf/coronvavirushelplinenumber.pdf .