Lada ki tbit ban trei, ai kam shuwa ïa ki trai Jylla: Sorkar

Shillong, Jylliew 10: Ka sorkar jylla ka la kyntu ia ki jaka treikam bapher bapher jong ki riew shimet khamtam eh kito kiba leh ia ki kam khaii pateng ba kin aikam shwa ia ki trai jylla katkum ka jingtbit jong ki.

Haba kyntu ia kane, u Symbud Myntri Rangbah ka jylla, Bah Prestone Tynsong u la ong ruh ba ka sorkar jylla ka la bthah ia u Commissioner and Secretary jong ka tnad Industries bad kumjuh ia ka tnad Labour ba kin kynduh lang bad ban lum ia ki nongkhaii ne ki trai jong kito ki jaka treikam jong ki riew shimet ban ia kren halor katei ka bynta.

‘La kumno kumno ngi kwah ba kin lum noh ia ka jingialang hapho kane ka taiew hi,” ong u Symbud Myntri Rangbah.

Lah ban kdew hangne ba ki don da ki hajar ngut ki samla kiba trei ha ki jylla bapher bapher jong ka ri kiba la wan phai noh shja la ka jylla hadien ba ka ri baroh kawei kynthup ia ka jylla ka la don ha ka jingkhangdam hadien ka jingphriang kynsan jong u khñiang coronavirus.