Lap ki pulit ïa ka kjat bad soh shkor na wah Mawdun

Shillong, Naitung 19 : Ki pulit ka nongbah Shillong ha ka 13 tarik mynta ki la lap ïa kawei ka metïap kynthei kaba per ha wah Umïam kaba ym lah shuh ban ithuh dur ithuh dar ha Mawdun, East Khasi Hills.

Ha ka jingbteng ban tohkit, kata ha ka sngi saitjain pat ki la lap bad ioh tam sa ïa ka kjat bad shiliang haryngkat ka soh shkor.

Kum ban shu kdew ba ha ka 16 tarik mynta u bnai, ki pulit ki la pyntip ba la ioh tam ïa ka metïap kynthei na katei ka jaka ha ka 13 tarik bad la pynkynriah noh sha Civil Hospital, Shillong ban leh ïa ka post mortem.

Hadien ba la dep leh ïa kine baroh, ïa ka met la rah noh sha jaka buh metïap jong ka Hospital.